輕井澤必試名物! 大海老天婦羅蕎麥麵! 川上庵

今次去到輕井澤旅遊幾日，試咗必去嘅川上庵餐廳，食咗佢地嘅大蝦天婦羅蕎麥麵，真係好好味，值得推介！😋🇯🇵 川上庵位於輕井澤嘅一個寧靜嘅地區又近舊輕井澤銀座通。店舖周圍有綠樹同小花草，環境感覺清幽。餐廳嘅入口係傳統日式店面設計，有暖簾掛喺門口，寫咗川上庵。餐廳內外都有座位，如果天氣好或春秋季黎嘅話，可以揀擇坐喺戶外，享受大自然嘅美景。😍 川上庵嘅裝修非常典雅，以傳統日式風格為主，深木質嘅地板同牆壁，令整個環境感覺溫馨同舒適。桌椅都係用木料製成，質感唔錯。餐廳有好多大落地窗，可以一還睇的窗外街景一邊嘆美食！因為冬天去，室內嘅暖爐真係令人好溫暖舒服，加上呢度環境清幽，裝修日式典雅，成個人感覺好放鬆曬。 ～ 大海老天婦羅蕎麥麵 而我點咗最出名嘅名物 - 大海老(蝦)天婦羅蕎麥麵，真係好出色。大蝦天婦羅好大隻，炸到啱啱好，淺淺地金黃色，好吸引。一啖咬落去，外脆內嫩，蝦肉新鮮彈牙，蝦味道鮮美。蕎麥麵可以揀冷麵同熱麵兩種，最後揀咗熱湯麵。😋蕎麥麵係屬於幼身麵條，麵煮得剛好，軟硬度適中，有彈性，夾埋湯同天婦一齊食，好滋味，口感好豐富。😋😋 川上庵 （軽井沢本店） Kawakamian 📍長野県北佐久郡軽井沢町軽井沢6-10 營業時間： 星期一 至 星期日， 11:00am - 10:00pm 🎌推介程度：❤️❤️❤️❤️❤️ #輕井澤#必去#川上庵#大蝦#海老#天婦羅#蕎麥麵#Kawakamian#輕井澤站#東京近郊#人氣景點#旅遊#推介#必到#日本#日式#日本之旅#japan#自由行#必去#好去處#熱門菜式#打卡#攻略#chill#週末#快閃之旅#日本必食#旅行打卡#日本之旅#旅行美食#旅遊行程